Kryetari i Skenderajt, Sami Lushtaku, ka organizuar një festë ditëlindjeje ku kanë marrë pjesë figura të njohura nga spektri politik i Kosovës, përfshirë Ali Ahmetin, Ramush Haradinajn, Bedri Hamzën, si dhe Endrit Thaçin, djalin e Hashim Thaçit, dhe Vlorën Çitaku. Lushtaku shprehu falënderimet e tij për miqtë, bashkëluftëtarët dhe familjen që e befasuan në këtë ditë të veçantë, duke theksuar rëndësinë e respektit dhe rrugëtimit të përbashkët që i lidh për dekada. Ai gjithashtu falenderoi qytetarët për mesazhet dhe thirrjet e tyre, duke shprehur mirënjohje të thellë edhe pse nuk mundi t’u përgjigjej të gjithëve. Lushtaku u shpreh i bindur se lidhjet e tyre do të qëndrojnë të forta dhe të palëkundura në vlerat që i bashkojnë.