Sindikata e Bashkuar e Arsimit, Shkencës dhe Kulturës (SBASHK) ka konfirmuar mbështetjen e saj për Marshin për Liri, i cili do të mbahet më 12 shtator në Prishtinë. Kjo mbështetje u bë e ditur pas një takimi mes përfaqësuesve të platformës qytetare “Liria Ka Emër” dhe kryetarit të SBASHK-ut, Rrahman Jashari, duke theksuar rëndësinë e bashkimit të komunitetit arsimor në këtë iniciativë. Marshimi synon të forcojë mesazhet për liri, drejtësi dhe dinjitet, si dhe të shprehë mbështetje për ish-krerët e UÇK-së Hashim Thaçi, Kadri Veseli, Jakup Krasniqi dhe Rexhep Selimi. Platforma “Liria Ka Emër” ka bërë thirrje që qytetarët të bashkohen në këtë marsh për të bërë të dëgjuar historinë dhe zërin e Kosovës.