Seanca konstituive e Kuvendit, e cila u ndërpre në mesditë të së shtunës, nuk u rifillua brenda 48 orëve të parashikuara nga rregullorja. Kryesuesi Avni Dehari nuk mblodhi deputetët për vazhdimin e seancës, duke shkaktuar një situatë që po konsiderohet si shkelje e rregullores parlamentare. Njohësit e punës së Kuvendit theksojnë se reagimi duhet të vijë nga deputetët e opozitës, të cilët po shqyrtojnë mundësinë e ankesës në Gjykatën Kushtetuese. PDK-ja ka njoftuar se brenda afatit tetë ditor do të vendosë nëse do të kërkojë ndërhyrjen e Kushtetueses për të zgjidhur këtë ngërç.