Ushtruesja e detyrës së presidentes, Albulena Haxhiu, ka paralajmëruar se shumë shpejt do të thirret seanca konstituive e Kuvendit të Kosovës. Ajo theksoi se pas konstituimit të Kuvendit duhet të votohet Qeveria dhe më pas të vazhdojnë përpjekjet për zgjedhjen e presidentit. Haxhiu sqaroi se përgjegjësia për thirrjen e seancës i takon kryesuesit të saj dhe se deri tani është bërë përpjekje për të shmangur hyrjen në afate që mund të vështirësojnë arritjen e marrëveshjes për presidentin. Ajo nënvizoi se ka bërë maksimumin për të krijuar hapësirë për marrëveshje ndërmjet subjekteve politike dhe se thirrja e seancës së parë konstituive u bë në ditën e 29-të, duke respektuar afatet kushtetuese.