Më 5 mars, në orën 10:00, do të mbahet seanca solemne në Kuvendin e Kosovës për të shënuar 28-vjetorin e Epopesë së Ushtrisë Çlirimtare të Kosovës (UÇK). Kjo u konfirmua nga kryetarja e Kuvendit, Albulena Haxhiu, pas mbledhjes së Kryesisë së Kuvendit, ku u dakordua që përveç krerëve të shtetit, në këtë seancë do të flasin edhe përfaqësues nga grupet parlamentare. Gjatë mbledhjes u diskutua edhe për Projektligjin për Parandalimin e Dhunës në Familje, ku Kryesia vendosi të takohet me nismëtarët e kësaj nisme qytetare për të diskutuar më tej. Po ashtu, u trajtuan disa kërkesa të natyrës administrative që lidhen me punën e Kuvendit, ndërsa çështja e propozimit të Sekretarit të Përgjithshëm do të diskutohet në mbledhjen e ardhshme të Kryesisë.