Selmon Berisha është zgjedhur kryetar i Ballit Kombëtar të Republikës së Kosovës me një mandat katërvjeçar, pas vendimit të delegatëve të Këshillit Kombëtar të organizatës. Gjatë mbledhjes së Këshillit u miratuan dokumente kyçe programore dhe strategjike që do të përcaktojnë orientimin politik të Ballit Kombëtar për periudhën 2025-2030. Në mesin e dokumenteve të miratuara ishin Platforma Politike, Programi për Riorganizimin Shtetformues dhe Bashkimin Kombëtar, si dhe strategji të tjera për zhvillimin politik të ardhshëm. Ky vendim shënon një fazë të re organizative dhe përcakton objektivat dhe prioritetet e Ballit Kombëtar të Kosovës për vitet që vijnë.