Një raport i Institutit PREVENT dhe analiza të njohësve të sigurisë zbulojnë se Serbia përdor narrativat për ekstremizmin islam si një mjet propagandistik për të dëmtuar imazhin ndërkombëtar të Kosovës dhe për të minuar harmoninë ndërfetare mes shqiptarëve. Kjo strategji përfshin përpjekje për të paraqitur Kosovën si një vend të pasigurt dhe të lidhur me radikalizmin fetar, duke shfrytëzuar raste të izoluar të qytetarëve që kanë shkuar në Siri. Raporti evidenton gjithashtu se sulmet terroriste në veri të Kosovës, të kryera nga organizata të mbështetura nga Serbia, kanë kërcënuar sigurinë dhe stabilitetin e vendit, duke përfshirë sulme ndaj institucioneve dhe infrastrukturës kritike. Ekspertët theksojnë se qëllimi i Beogradit është edhe cenimi i bashkëjetesës ndërfetare dhe identitetit kombëtar shqiptar, i ndërtuar mbi një bazë sekulare dhe tolerante.