Analisti i sigurisë Avni Islami ka komentuar deklaratat e politikanit serb Milovan Drecun, i cili akuzoi ministrin shqiptar Ferit Hoxha për promovim të “politikës së Shqipërisë së Madhe” dhe kërcënim të sigurisë së Serbisë për shkak të mbështetjes së pavarësisë së Kosovës. Islami thekson se këto deklarata janë pjesë e propagandës dhe dezinformatave sistematike që Serbia përdor në luftën hibride kundër Kosovës dhe stabilitetit rajonal. Ai shton se pretendimet se Kosova konsiderohet pjesë e Shqipërisë janë narrativë e fabrikuar për të nxitë tensione dhe penguar normalizimin e marrëdhënieve. Sipas tij, Serbia vazhdon të përdorë retorikë nacionaliste dhe destabilizuese, duke treguar mungesë vullneti për normalizim dhe duke rrezikuar paqen në Ballkanin Perëndimor.