Guvernatori i Bankës Qendrore të Kosovës, Ahmet Ismaili, mori pjesë në CEF Forum 2026 në Shkup, ku u diskutua rëndësia e qeverisjes efektive dhe qëndrueshmërisë institucionale në një mjedis të pasigurt dhe kompleks. Ai theksoi se pasiguria është bërë një tipar kryesor i politikëbërjes dhe kërkoi forcimin e kapaciteteve institucionale për t’u përballur me sfida ekonomike, financiare, teknologjike dhe gjeopolitike. Në panelin ku mori pjesë, u diskutua rëndësia e vendimmarrjes në kohë, komunikimit transparent dhe bashkëpunimit ndërinstitucional si elementë kyç për ruajtjen e kredibilitetit dhe besimit publik. Banka Qendrore e Kosovës mbetet e përkushtuar në promovimin e qeverisjes së mirë, zhvillimin e kapaciteteve dhe bashkëpunimin rajonal për të siguruar stabilitetin ekonomik dhe financiar afatgjatë.