Nënkryetari i Kuvendit të Kosovës, Ardian Gola, vlerësoi pozitivisht zhvillimin e zgjedhjeve në Kosovë, duke theksuar se ato janë zhvilluar në një mjedis demokratik, të besueshëm dhe profesionalisht të administruar. Ai theksoi se sfida kryesore në komunat me shumicë serbe nuk është integriteti i procesit zgjedhor, por pjesëmarrja e ulët, e ndikuar nga bojkotet e organizuara dhe ndikimi politik i drejtpërdrejtë nga Serbia përmes Listës Serbe. Gola nënvizoi se pavarësisht parregullsive të izoluar, ato nuk kanë ndryshuar rezultatin e zgjedhjeve dhe institucionet kanë reaguar menjëherë, duke forcuar besueshmërinë e sistemit demokratik. Ai gjithashtu theksoi rëndësinë e kornizës kushtetuese të Kosovës që garanton përfaqësim dhe mbrojtje të pakicave, duke siguruar që zgjedhjet të zhvillohen sipas standardeve evropiane edhe në një kontekst rajonal me sfida të veçanta.