Deputeti i Lëvizjes Vetëvendosje, Adnan Rrustemi, ka theksuar se qëllimi kryesor i partisë është të shmangë zgjedhjet e reja duke arritur një marrëveshje për zgjedhjen e presidentit. Ai ka sqaruar se vendi nuk mund të funksionojë normalisht pa institucione të plota dhe se mungesa e një dakordimi për presidentin do të çojë patjetër në zgjedhje. Rrustemi ka reaguar ndaj kritikave të opozitës për vonesën në konstituimin e Kuvendit, duke theksuar se nëse Kuvendi do të ishte konstituuar më herët sipas kërkesave të opozitës, tashmë do të ishin shpallur zgjedhjet. Megjithatë, ai ka theksuar se ende ekziston mundësia për të gjetur një president dhe për të shmangur zgjedhjet, duke i dhënë shans procesit negociator.