Qëndrim Kryeziu, kandidat i PDK-së për deputet, deklaroi se Departamenti Amerikan i Shtetit i ka hapur derën Kosovës për t’u shndërruar në “Katari i Evropës” përmes gazifikimit të qymyrit, duke shfrytëzuar rezervat e mëdha të thëngjillit në vend. Ai theksoi se ky projekt do të mund të gjeneronte deri në 32 miliardë metra kub gaz në vit, duke e bërë Kosovën një eksportues të rëndësishëm në rajon. Megjithatë, Kryeziu kritikoi qeverinë aktuale të Kurtit, e cila sipas tij, ka refuzuar termocentralin dhe gazin amerikan, duke mbajtur Kosovën të varur nga mafia energjetike rajonale serbe. Ai bëri thirrje që më 7 qershor qytetarët të votojnë për PDK-në për të çliruar vendin nga kjo varësi dhe për të realizuar investimin madhështor energjetik.