Analisti Xhevat Meha thekson se SHBA-ja ka dërguar një mesazh të qartë për krerët e shtetit të Serbisë dhe Kosovës, duke i paralajmëruar që duhet të përgatiten për ndryshime në marrëdhëniet mes dy vendeve. Sipas tij, kjo porosi vjen pas përfundimit të angazhimeve amerikane me Iranin dhe tregon se SHBA do të fokusohet në Ballkan për të adresuar problemin më të madh, marrëdhënien Kosovë-Serbi. Nëse udhëheqësit aktualë nuk janë të gatshëm për këto ndryshime, SHBA do të punojë me drejtues të rinj që do t’i zëvendësojnë ata. Meha thekson se administrata Trump është e vendosur dhe nuk heziton të përdorë çdo metodë për të arritur rezultatet e dëshiruara, duke shkuar deri në fund pa marrë parasysh pasojat.