Përfaqësuesja e SHBA-së në Këshillin e Sigurimit të OKB-së, Tammy Bruce, ka theksuar se popujt e Kosovës dhe Serbisë meritojnë një të ardhme të sigurtë dhe pa tensione politike. Ajo ka përcjellë mesazhin se rruga e vetme përpara është normalizimi i marrëdhënieve ndërmjet dy vendeve. Bruce ka theksuar se presidenti amerikan Donald Trump dhe populli amerikan po vëzhgojnë me kujdes zotimet e Kosovës dhe Serbisë për të punuar së bashku drejt prosperitetit. Përfaqësuesja e SHBA-së ka shprehur shpresën që kryeministri Kurti dhe presidenti Vuçiq do të ulin tensionet, do të shmangin eskalimet dhe do të ulen në tavolinë për një dialog të sinqertë dhe të fokusuar në të ardhmen.