Anëtari i Kryesisë së Lidhjes Demokratike të Kosovës, Shkëmb Manaj, ka reaguar fuqishëm ndaj raportimeve që i atribuonin një deklaratë se gjysma e përfaqësuesve të LDK-së duhet të largohen nga partia. Ai i ka cilësuar këto pretendime si të pavërteta dhe ka theksuar se nuk ka bërë asnjëherë një deklaratë të tillë. Përmes një postimi në rrjetet sociale, Manaj ka shpjeguar se brenda LDK-së ekzistojnë qëndrime të ndryshme dhe kjo është pjesë e demokracisë së brendshme të partisë. Ai ka nënvizuar gjithashtu angazhimin e tij për një LDK të fortë dhe të bashkuar, duke theksuar se një parti e fuqishme është në shërbim të Republikës së Kosovës.