Ish-kryetari i Lipjanit dhe ish-deputeti Shukri Buja ka ndarë mesazhe emocionale pas një takimi me bashkëluftëtarët e tij, duke rikujtuar rrugëtimin e gjatë drejt lirisë dhe duke shprehur shpresën për kthimin e shpejtë të ish-krerëve të UÇK-së që po gjykohen në Hagë. Ai përmendi takimin me Azem Sylen, Gani Kocin dhe Adem Grabovcin, ku bisedat ishin të mbushura me emocione dhe kujtime, por edhe me pritje për të ardhmen. Buja theksoi se pas një pritjeje të gjatë, shpresa për lirimin e tyre nuk është shuar dhe shpreson që kjo të jetë pritja e fundit. Mesazhi i tij përfundon me një thirrje për bashkëluftëtarët që të kthehen të lirë mes familjarëve, miqve dhe qytetarëve.