Në prag të Ditës së Evropës më 9 maj, Bashkimi Evropian në Kosovë i ka dhënë Shqipës Neziri Vela çmimin “Evropiania e Vitit 2026” për rolin e saj të rëndësishëm në avancimin e barazisë gjinore, fuqizimin e grave dhe qeverisjen e qëndrueshme në sektorin e energjisë. Me mbi 20 vjet përvojë në këtë fushë, ajo ka bashkëthemeluar organizatën “Gratë në Energji dhe Miniera”, duke ofruar mentorim dhe trajnime për shumë studente dhe profesioniste, duke ndihmuar në krijimin e një gjenerate të re lidere në sektorë tradicionalisht të dominuar nga burrat.