Ushtruesja e detyrës së presidentes së Kosovës, Albulena Haxhiu, mori pjesë në shfaqjen e dokumentarit kushtuar komandant Adem Shehit, duke theksuar rëndësinë e kontributit të Shqipërisë në luftën çlirimtare të Kosovës. Në fjalën e saj, Haxhiu vuri në pah se historia e luftës nuk mund të kuptohet pa përkushtimin e njerëzve nga Shqipëria, të cilët iu përgjigjën thirrjes së Kosovës me njerëz, strehë, dije dhe armë. Dokumentari solli në pah figurën e komandantit të Brigadës 153 “Hyzri Talla”, një oficer nga Shqipëria që dha dijen dhe disiplinën ushtarake në shërbim të lirisë së Kosovës. Haxhiu përgëzoi ekipin realizues për ruajtjen e kujtimit të atyre kohëve dhe për respektin ndaj komandant Shehit, i cili i doli zot Kosovës siç i dilet zot shtëpisë.