Ministri i Jashtëm i Shqipërisë, Ferit Hoxha, u takua në Pragë me Përfaqësuesin Special të BE-së për dialogun Beograd–Prishtinë, Peter Sorensen, ku theksoi mbështetjen e Shqipërisë për konsolidimin demokratik, reformat në sundimin e ligjit dhe zhvillimin ekonomik në Kosovë. Ai nënvizoi rëndësinë e dhënies së statusit të vendit kandidat për Kosovën si një sinjal politik inkurajues për qytetarët dhe për të ardhmen evropiane të rajonit. Hoxha ritheksoi se dialogu mbetet rruga e vetme për normalizimin e marrëdhënieve midis Kosovës dhe Serbisë, duke kontribuar në paqe, stabilitet dhe bashkëpunim afatgjatë në rajon. Shqipëria shprehu gatishmërinë për të kontribuar në mënyrë konstruktive në këtë proces dhe theksoi nevojën për përgjegjësi të plotë lidhur me sulmin në Banjskë, si element kyç për forcimin e sigurisë dhe besimit në rajon.