Përballë përshkallëzimit të tensioneve ushtarake në Lindjen e Mesme, Shqipëria ka shprehur mbështetje të plotë për Kuvajtin në rezolutën kundër sulmeve të Iranit në rajon. Ministri i Jashtëm Ferit Hoxha zhvilloi një bisedë telefonike me homologun kuvajtian, ku theksoi se sulmet iraniane janë shkelje të së drejtës ndërkombëtare dhe kërcënim për paqen rajonale dhe globale. Shqipëria do të bashkë-sponsorojë një projekt-rezolutë në Këshillin e Sigurimit të OKB-së, e cila dënon sulmet jo vetëm ndaj Kuvajtit, por edhe ndaj vendeve të tjera të Gjirit Persik, duke kërkuar ndërprerjen e menjëhershme të tyre. Një tjetër fokus i bisedës ishte siguria e qytetarëve shqiptarë në Kuvajt, ku ministri Hoxha falenderoi autoritetet kuvajtiane për masat mbrojtëse ndaj komunitetit shqiptar gjatë këtyre kohëve të vështira.