Ministria për Evropën dhe Punët e Jashtme e Shqipërisë ka konfirmuar ndalimin e katër shtetasve shqiptarë nga autoritetet serbe, të cilët u arrestuan pasi bënë veprime të cilat Serbia i konsideroi provokuese, duke përfshirë shfaqjen e shqiponjës dykrenare dhe fanella me mesazhe si “Shqipëri Etnike” dhe “Autochthonous”. MEPJ po ndjek me vëmendje të plotë rastin përmes Ambasadës së Shqipërisë në Beograd, e cila ka kërkuar informacion të plotë mbi rrethanat e ndalimit dhe po ofron asistencë konsullore, duke përfshirë kontaktet me familjarët dhe avokatët e të ndaluarve. Shqipëria pret që autoritetet serbe të respektojnë të drejtat themelore dhe garancitë procedurale në përputhje me legjislacionin vendas dhe standardet ndërkombëtare. Katër shtetasit ishin nisur për në Poloni për të ndjekur ndeshjen e Shqipërisë në play-offin për kualifikimet në Botëror, ndërsa situata po ndiqet nga afër dhe do të trajtohet me seriozitet maksimal.