Ministri për Evropën dhe Punët e Jashtme, Ferit Hoxha, u takua në Dublin me Komisioneren e BE-së për Zgjerimin, Marta Kos, ku diskutuan mbi dinamikën dhe perspektivat e procesit të anëtarësimit të Shqipërisë në Bashkimin Evropian. Gjatë takimit, Hoxha theksoi vendosmërinë e Shqipërisë për të ruajtur ritmin dhe momentumin e negociatave, duke synuar mbylljen e sa më shumë kapitujve negociues gjatë këtij viti. Ai nënvizoi rëndësinë e vazhdimit të reformave dhe angazhimeve për të përmbushur kriteret e anëtarësimit. Shqipëria mbetet e përqendruar në punën përpara dhe në përpjekjet për të avancuar procesin e zgjerimit me meritë dhe rezultate konkrete.