Dega e Lëvizjes Vetëvendosje në Prishtinë ka reaguar ashpër ndaj vendimit për shtrenjtimin e biletave të transportit urban, duke e cilësuar atë si një mënyrë për të kaluar koston e dështimeve të qeverisjes së PDK-së dhe LDK-së tek qytetarët. Ky subjekt politik ka kërkuar tërheqjen e menjëhershme të këtij vendimi, duke theksuar se rritja e çmimit është bërë pa analizë të qartë ekonomike dhe pa një vizion për zhvillimin e transportit publik.