Vendimi përfundimtar në rastin gjyqësor ndaj liderëve të Ushtrisë Çlirimtare të Kosovës në Hagë është shtyrë deri më 20 korrik 2026, një vendim që ka ngjallur reagime të forta nga kryetari i OVL-UÇK-së, Hysni Gucati. Ai e ka cilësuar këtë shtyrje si të papranueshme dhe fyes për ish-krerët e UÇK-së, duke theksuar se procesi po zgjatet pa nevojë. Gucati gjithashtu ka bërë me dije se është i bindur se vendimi final do të merret para fundit të qershorit dhe shprehet optimist për lirimin e tyre. Në anën tjetër, ai ka reaguar edhe ndaj sharjeve dhe fyerjeve në rrjetet sociale ndaj të akuzuarve, duke thënë se hakmarrjen do ta lërë në dorë të Zotit, ndërsa ka theksuar se në Hagë dënohet shteti i Kosovës, jo individët.