Dokumente të zbuluara tregojnë se Agjencia Serbe e Inteligjencës (BIA) ka manipuluar raportet e OSBE-së për Kosovën duke përdorur ish-zyrtaren e OSBE-së Jelena Gjukanoviq për të ndikuar në përmbajtjen dhe narrativat e raporteve. Agjenti i BIA-s Aleksandar Vllajiq, tashmë i dënuar në Kosovë, i dha udhëzime të detajuara për mënyrën e paraqitjes së aksioneve të Policisë së Kosovës në veri si veprime negative dhe të koordinuara politikisht. Raporti i përgatitur për OSBE-në përfshinte pretendime për sulme ndaj serbëve dhe u konsultua edhe me ministrin e Jashtëm të Serbisë, Ivica Daçiq, para prezantimit në Vjenë. Në komunikime u përmend edhe pakënaqësia e ambasadës amerikane ndaj kryeministrit Albin Kurti, përfshirja e organizatave joqeveritare, rrjeteve informuese në veri, si dhe roli i shtetasve britanikë dhe strukturave të inteligjencës brenda KFOR-it në mbledhjen e informacionit.