Pas certifikimit të rezultateve të zgjedhjeve, Kosova po përgatitet për formimin e institucioneve të reja, duke filluar me zgjedhjen e kryetarit të Kuvendit dhe më pas krijimin e Qeverisë. Kryetarja e Nova Demokratska Stranka, Emilja Rexhepi, ka deklaruar se Lëvizja Vetëvendosje, me 53 deputetë, së bashku me deputetët e komuniteteve joserbë, sigurojnë 61 vota, të mjaftueshme për formimin e institucioneve pa nevojën e partive të tjera politike. Megjithatë, për zgjedhjen e presidentit kërkohen 80 vota, çka do të kërkojë bashkëpunim më të gjerë politik. Rexhepi ka theksuar se pritjet janë që procesi të nisë menjëherë pas certifikimit zyrtar të rezultateve, duke hapur rrugën për qeverisjen e re.