Ambasada e Republikës së Kosovës në Paris ka bërë një njoftim të rëndësishëm për mërgimtarët që votojnë me postë në Zgjedhjet e parakohshme për Kuvendin e Kosovës. Ajo ka theksuar se zarfet e votimit nuk duhet të dërgohen në adresën e ambasadës, por në kutinë postare të përcaktuar nga Komisioni Qendror i Zgjedhjeve. Adresa e saktë për dërgimin e zarfeve është: KQZ – ZGJEDHJET BP 30034 75362 PARIS CEDEX 08. Afati për votimin me postë ka filluar më 21 maj dhe do të zgjasë deri më 6 qershor 2026, duke u bërë thirrje votuesve të respektojnë këtë udhëzim për të siguruar vlefshmërinë e votës së tyre.