Valmir Elezi, zëdhënësi i Komisionit Qendror të Zgjedhjeve, ka shpjeguar se procesi i publikimit të rezultateve zgjedhore është dinamik dhe përditësohet në kohë reale me numërimin e çdo kutie votimi. Ai thekson se diferencat mes subjekteve politike për mandatet e fundit janë shumë të vogla, dhe disa dhjetëra apo qindra vota mund të ndikojnë drejtpërdrejt në renditjen e koeficientëve dhe ndarjen përfundimtare të mandateve. Gjatë procesit, një subjekt politik mund të arrijë përkohësisht koeficientin e nevojshëm për të fituar mandat, i cili më pas mund të ndryshojë me përfshirjen e rezultateve nga kutitë e tjera, duke bërë që mandati të kalojë te një subjekt tjetër. Sipas rezultateve të deritanishme, Vetëvendosje kryeson me 45.48% të votave, e ndjekur nga Partia Demokratike e Kosovës me 20.11% dhe Lidhja Demokratike e Kosovës me 17.14%.