Portali serb Večernje novosti publikoi një artikull me titull sensacionalist që sugjeronte se stërvitjet ushtarake të Forcës së Sigurisë së Kosovës (FSK) në Kroaci kishin qëllime të fshehta dhe agresive. Analiza e fakteve tregon se bëhet fjalë për një stërvitje ndërkombëtare të rregullt dhe të planifikuar me muaj në avancë, pjesë e ciklit “Immediate Response”, ku marrin pjesë mbi 3.000 ushtarë nga vende të NATO-s dhe partnerë të tjerë. Artikulli i Novosti përpiqet të krijojë një narrativë të rreme duke e paraqitur FSK-në dhe Kroacinë si kundërshtarë të Serbisë, duke injoruar pjesëmarrjen e gjerë të NATO-s dhe faktin se edhe Ushtria e Serbisë merr pjesë në stërvitje të ngjashme. Të dhënat zyrtare dhe dokumentet e publikuara nga institucionet ushtarake ndërkombëtare hedh poshtë pretendimet për kërcënime të fshehta, duke konfirmuar se aktiviteti është transparent dhe ka për qëllim forcimin e stabilitetit rajonal.