Misioni faktmbledhës i Platformës së Këshillit të Evropës për Sigurinë e Gazetarëve ka publikuar raportin “Kosovë: Rikthimi i lirisë së mediave pas rënies”, ku evidentohet përkeqësimi i lirisë së medias në vend. Ky përkeqësim lidhet ngushtë me ndërhyrjet politike, sulmet verbale ndaj gazetarëve dhe dobësimin e pavarësisë së institucioneve mediale. Flutura Kusari, në një intervistë për T7, theksoi se partia në pushtet përmendet specifikisht si një nga faktorët kryesorë që ndikojnë në këtë situatë. Raporti thekson se veprimet e kësaj partie kanë ndikuar në rënien e lirisë së medias gjatë tre viteve të fundit, duke krijuar sfida serioze për gazetarët dhe institucionet mediale në Kosovë.