NATO po zhvillon një proces gradual për optimizimin e pozicionimit të forcave të KFOR-it në Kosovë, duke përfshirë edhe reduktimin e pranisë së përhershme mbi urën kryesore mbi lumin Ibër në Mitrovicë dhe integrimin e Policisë së Kosovës në ruajtjen e Manastirit të Deçanit. Ambasada e SHBA-së në Prishtinë ka theksuar se ky proces do të bëhet në koordinim të ngushtë me të gjitha palët relevante dhe se bashkëpunimi ndërmjet institucioneve të sigurisë së Kosovës, KFOR-it, EULEX-it dhe partnerëve ndërkombëtarë do të vazhdojë. Shtetet e Bashkuara i japin përparësi ruajtjes së stabilitetit rajonal në Ballkanin Perëndimor dhe vlerësojnë përkushtimin e KFOR-it për të siguruar një mjedis të qëndrueshëm dhe të sigurt për të gjitha komunitetet. Megjithatë, vendimi për hapjen e urës mbi lumin Ibër nuk i takon KFOR-it, por Bashkimit Evropian dhe institucioneve të Kosovës, çka ka shkaktuar reagime të ashpra nga Lista Serbe dhe Beogradi zyrtar.