Kandidatja për deputete Albulena Haxhiu dhe kandidati Metë Shatri nga Lëvizja Vetëvendosje zhvilluan një takim me studentët e Fakultetit të Mjekësisë, ku diskutuan për mbështetjen e ofruar gjatë viteve të fundit dhe mënyrat për ta zgjeruar atë në mandatin e ardhshëm. Ata theksuan rëndësinë e investimit në arsim dhe në të rinjtë si një investim në të ardhmen e Kosovës. Në fokus ishin programet e arsimit publik falas, bursat për studentët në fushat STEM dhe programi “Mobiliteti për Studentë” që ndihmon ata që studiojnë larg vendbanimit të tyre. Ky takim nënvizon prioritetin që qeverisja i jep arsimit dhe zhvillimit të profesionistëve të ardhshëm shëndetësorë.