Komisioni Shtetëror i Zgjedhjeve (KSHZ), me mbështetjen e IFES, zhvilloi një takim tre-ditor pune për të vlerësuar procesin zgjedhor të kaluar dhe për të përcaktuar hapat strategjikë për përmirësimin e tij. Në bazë të raportit të OSBE/ODIHR dhe hulumtimeve mbi perceptimin publik, anëtarët dhe njësitë rajonale diskutuan sfidat teknike dhe logjistike në terren. Ata hartuan një plan veprimi gjashtëmujor që synon forcimin e efikasitetit të brendshëm, ngritjen e standardeve profesionale dhe përmirësimin e funksionalitetit të administratës zgjedhore. KSHZ falënderoi partnerët e saj për mbështetjen e vazhdueshme dhe theksoi angazhimin për të forcuar besimin e qytetarëve në procesin zgjedhor.