Analisti Adri Nurellari vlerëson se kryeministri në detyrë, Albin Kurti, përfiton nga kriza politike dhe zvarritja e zgjedhjeve të reja i leverdis për të zgjeruar kontrollin politik. Me emërimin e Albulena Haxhiut si president ad interim, Kurti ka mundësi të vendosë njerëz besnikë në institucione, diplomaci dhe poste kyçe, duke forcuar pozitat e tij. Edhe nëse pas zgjedhjeve të 7 shkurtit arrihet kompromis për presidentin, aparati institucional do të jetë tashmë i mbushur me njerëz të emëruar nga ky proces. Kjo situatë i jep Kurtit kontroll të vazhdueshëm mbi levat kryesore të pushtetit ekzekutiv, pavarësisht mungesës së shumicës për zgjedhjen e presidentit.