Ish-presidentja Vjosa Osmani ka bërë të ditur se vendimi i saj për t’u rikthyer në listën e Lidhjes Demokratike të Kosovës erdhi si rezultat i kërkesave të shumta nga qytetarët. Gjatë një periudhe të gjatë, ajo ka vizituar shumë vende në Kosovë, ku është takuar me njerëz të ndryshëm dhe ka dëgjuar shqetësimet, zhgënjimet, por edhe shpresën që ata ruajnë për të ardhmen. Në një video të publikuar në Facebook, Osmani ka ndarë mesazhet e qytetarëve që i bënin thirrje për rikthim në LDK dhe ka theksuar se dëgjimi i tyre ishte vendimtar për hapin e saj politik. Ajo ka bërë thirrje për bashkim dhe angazhim të përbashkët, duke nënvizuar nevojën për të bashkuar zemrat dhe ëndrrat e qytetarëve për një të ardhme më të mirë.