Komisioni Qendror i Zgjedhjeve (KQZ) në Kosovë ka vënë në dispozicion një platformë elektronike për të gjithë qytetarët me të drejtë vote, ku mund të kontrollojnë lehtësisht vendndodhjen e qendrës së tyre të votimit. Për t’u qasur në këtë shërbim online, votuesit duhet të fusin numrin personal të Republikës së Kosovës dhe datën e lindjes. Pas kësaj, sistemi shfaq automatikisht të dhënat personale dhe adresën e saktë të qendrës së votimit, e cila mund të shihet edhe në GoogleMap. Ky mjet synon të lehtësojë procesin e votimit dhe të sigurojë që çdo qytetar të dijë saktësisht ku duhet të paraqitet në ditën e zgjedhjeve.