Zyra e Prokurimit e Presidencës së Kosovës ka hapur një tender për sigurime shëndetësore dhe udhëtimi që përfshin ish-presidentët dhe familjet e tyre, privilegje që vazhdojnë edhe pas përfundimit të mandatit. Sigurimi mbulon trajtime spitalore deri në 100 mijë euro për person dhe shtrihet në Kosovë, vende të BE-së dhe disa shtete të tjera si SHBA dhe Kanada, me mbulim deri në 30 mijë euro gjatë udhëtimeve jashtë vendit. Dokumenti i tenderit parashikon mbulim për periudha të ndryshme kohore, duke përfshirë 10, 20 dhe 30 ditë, ndërsa vlera totale e parashikuar është 9,900 euro. Këto përfitime rrjedhin nga Ligji për Presidentin e Republikës së Kosovës, i cili garanton ish-presidentëve mbështetje financiare, staf përcjellës dhe mbulim të shpenzimeve zyrtare dhe personale edhe pas përfundimit të mandatit.