Kryetarja e Federatës së Sindikatave të Shëndetësisë së Kosovës, Tevide Imeri, ka kërkuar nga Qeveria përshpejtimin e nënshkrimit të kontratës kolektive dhe nisjen e një plani urgjent për punësimin e rreth 4 mijë punëtorëve të rinj shëndetësorë, duke theksuar se mungesa e stafit dhe infrastrukturës po rëndon sistemin publik shëndetësor. Ajo ka theksuar nevojën për investime të menjëhershme dhe menaxhim më të mirë në sektorin e shëndetësisë, si dhe rritjen e pagave dhe zbatimin e pagesës së rrezikshmërisë për punëtorët shëndetësorë. Imeri ka kërkuar gjithashtu heqjen e pagesës prej 3 eurosh për përcjellësit e pacienteve në Shërbimin Spitalor Klinik Universitar të Kosovës, duke e cilësuar atë si një barrë të panevojshme dhe padrejtë për qytetarët. Ajo ka theksuar se përmirësimi i kushteve dhe furnizimi me terapi dhe staf të mjaftueshëm janë zgjidhjet e duhura për të reduktuar praninë e përcjellësve në klinika, jo tarifat shtesë.