Agjencia për Parandalimin e Korrupsionit (APK) raportoi se gjatë gjashtëmujorit të parë të vitit 2026 janë pranuar 41 raste sinjalizimi të jashtëm për keqpërdorim të detyrës zyrtare dhe shkelje të tjera në institucione publike dhe subjekte private. Nga këto raste, 40 janë trajtuar brenda afateve ligjore, ku 20 janë proceduar te institucionet kompetente, ndërsa disa janë refuzuar ose mbyllur. Sinjalizimet përfshijnë keqpërdorim të detyrës, procedura rekrutimi dhe prokurimi publik, ndërsa qytetarët dhe operatorët ekonomikë kanë qenë burime kryesore të raportimeve. Në sektorin publik, 150 institucione kanë raportuar gjithsej 64 raste të sinjalizimeve të brendshme, me numrin më të madh në Korporatën Energjetike të Kosovës, Shërbimin Korrektues dhe ndërmarrjen Trepça Sh.A. Gjithashtu, në sektorin privat janë evidentuar 18 raste të sinjalizimit të brendshëm dhe janë kontaktuar mbi 600 subjekte për zbatimin e mekanizmave të sinjalizimit.