Eksperti i sigurisë Arben Dashevci ka deklaruar se situata në veri pas protestave të studentëve është e qetë dhe nuk ka pasur incidente serioze që të cenojnë rendin publik. Ai theksoi se protestat kanë qenë me pjesëmarrje të vogël dhe kanë kaluar pa probleme, duke respektuar të drejtën demokratike të protestës. Dashevci nënvizoi rëndësinë e integrimit të të gjithë qytetarëve në institucionet e Republikës së Kosovës dhe theksoi se proceset e mbetura mund të zgjidhen përmes dialogut dhe bashkëbisedimit. Sa i përket sigurisë, ai vuri në dukje se nuk ka pasur kërcënime të brendshme, ndërsa në aspektin e sigurisë së jashtme Kosova mbetet në nivelin portokalli për shkak të kërcënimeve të njohura për destabilizim.