Deputeti i Partisë Demokratike të Kosovës, Enver Hoxhaj, ka përshkruar situatën aktuale politike në vend si anarkike dhe larg funksionimit normal institucional. Ai ka kritikuar zvarritjen në formimin e institucioneve pas zgjedhjeve dhe ka theksuar se kjo po dëmton rëndë proceset demokratike në Kosovë. Hoxhaj ka bërë thirrje që institucionet të krijohen sa më shpejt për të shmangur përkeqësimin e situatës. Sipas tij, vendi, i cili dikur konsiderohej demokracia më e madhe në Ballkan, po përballet me një krizë serioze që po e largon nga rruga demokratike.