Deputetja Janina Ymeri nga Lidhja Demokratike e Kosovës ka ngritur shqetësime të mëdha për procesin e votimit të anëtarëve të Bordit të Agjencisë Kosovare të Privatizimit (AKP), duke e cilësuar atë si jotransparent dhe të dirigjuar nga Lëvizja Vetëvendosje. Ajo ka denoncuar se kandidatët u votuan pa u shpërndarë CV-të e tyre tek të gjithë anëtarët e komisionit, duke theksuar se vetëm kryetarja e komisionit kishte qasje në dokumentet e tyre, ndërsa votimi i anëtarëve të tjerë ishte arbitrar dhe i ndikuar nga pushteti për të avancuar persona të caktuar.