Janina Ymeri, kandidate për deputete e Lidhjes Demokratike të Kosovës, ka denoncuar se ZRrE-ja është palë e inkriminuar në skandalin e energjisë që po ndikon drejtpërdrejt në faturat e qytetarëve. Ajo ka theksuar se pas nisjes së hetimeve ndërkombëtare dhe publikut, çmimet e bartjes ndërkufitare të energjisë kanë rënë ndjeshëm, duke shënuar një ulje prej mbi 30%. Sipas Ymerit, në mungesë të debatit publik dhe hetimeve, qytetarët do të paguanin mbi 800 euro për një megavat, ndërsa aktualisht çmimi është ulur, por ende mbetet i lartë krahasuar me bursat ndërkombëtare. Ajo ka kërkuar ndërprerjen e tregtisë së pazarit ditor dhe masa të tjera për të ulur çmimet dhe për të mbrojtur interesat e konsumatorëve.