Kryetari i Partisë Demokratike të Kosovës, Bedri Hamza, ka njoftuar përfshirjen e Kolonel Skender Hoxhës në listën e kandidatëve për deputetë të PDK-së. Hoxha është ish-komandant i Brigadës 124 të Ushtrisë Çlirimtare të Kosovës, ish-atashe ushtarak në Zagreb dhe Komandant i Gardës Kombëtare, me një karrierë të gjatë në fushën e sigurisë dhe mbrojtjes. Hamza ka vlerësuar lart kontributin e tij gjatë luftës çlirimtare dhe në ndërtimin e institucioneve të sigurisë së Kosovës, duke theksuar se Hoxha është nderuar me Medaljen e Karrierës për shërbimin e tij. Ai ka theksuar se në këtë kohë Kosova ka nevojë për njerëz me integritet dhe përvojë, duke e konsideruar ardhjen e Hoxhës një vlerë të shtuar për ekipin e PDK-së.