Sot pritet të mbahet seanca e Kuvendit për zgjedhjen e presidentit të ri, me dy orare të mundshme, ora 13:00 ose në mbrëmje. Kandidati kryesor i përmendur për këtë post është Glauk Konjufca, ndërsa opozita ende nuk ka paraqitur ndonjë propozim zyrtar. Kryeministri Albin Kurti ka zhvilluar takime me krerët e partive opozitare, përfshirë Bedri Hamzën dhe Lumir Abdixhikun, por nuk është bërë e ditur nëse është arritur ndonjë marrëveshje konkrete. Aktualisht, emri i presidentes në detyrë, Vjosa Osmani, nuk përmendet në diskutimet politike, ndërsa pritet të shihet nëse gjatë seancës do të ketë propozime zyrtare dhe konsensus për zgjedhjen e presidentit.