Ish-zyrtari i NATO-s, Jamie Shea, thekson se aktivizmi në Kongresin amerikan për anëtarësimin e Kosovës në aleancën ushtarake është pjesë e një agjende afatgjatë dhe mban Kosovën në vëmendjen e Uashingtonit. Megjithatë, ai nënvizon se pa stabilitet politik në vend, veçanërisht pas tri zgjedhjeve parlamentare brenda 18 muajve që nuk kanë prodhuar institucione të qëndrueshme, nuk ka rrugë të qartë përpara në procesin e integrimit euroatlantik. Shea thekson gjithashtu rëndësinë e mbajtjes nën presion të shteteve mosnjohëse dhe nevojën për një qasje më të balancuar të lobimit të Kosovës, duke përfshirë edhe qytetet kryesore evropiane si Berlin, Paris, Londër dhe Varshavë, jo vetëm Uashingtonin. Ai vlerëson se strategjia e mbështetjes ekskluzive në SHBA ka qenë efektive në të kaluarën, por sot kërkohet një qasje më e gjerë dhe e koordinuar për të avancuar integrimin e Kosovës në NATO.