Forca e Sigurisë së Kosovës (FSK) po zhvillon stërvitje operative në zonën e Liqenit të Badovcit dhe përgjatë rrugës “Pëllazgët” në fshatin Mramor, në datat 21, 22 dhe 28 maj 2026. Komuna e Prishtinës ka paralajmëruar qytetarët për lëvizje të shtuar të automjeteve dhe personelit të FSK-së, si dhe përdorim të armëve dhe të shtënave stërvitore gjatë këtyre ditëve. Autoritetet kanë kërkuar mirëkuptimin e banorëve duke theksuar se bëhet fjalë për ushtrime të planifikuara dhe të kontrolluara nga institucionet përgjegjëse të sigurisë. Qytetarët janë të lutur të mos shqetësohen nga aktivitetet e stërvitjeve, të cilat janë pjesë e përgatitjeve operative të FSK-së.