Deputeti i Aleancës, Burim Ramadani, ka deklaruar se moskonstituimi i Kuvendit dhe zvarritja e procesit politik nga Lëvizja Vetëvendosje janë pjesë e një strategjie të qëllimshme për të çuar vendin drejt zgjedhjeve të reja më 27 dhjetor. Sipas Ramadanit, Vetëvendosje nuk ka interes të konstituojë Kuvendin deri më 13 shtator, duke përdorur këtë afat për të hapur rrugën për zgjedhje të reja në fund të vitit. Ai thekson se kjo lëvizje lidhet me interesin elektoral të Kurtit, i cili synon të kompensojë rënien e mbështetjes brenda vendit përmes votave të diasporës. Ramadani shprehet se besimi i qytetarëve në Kosovë ndaj qeverisjes së Kurtit është ulur ndjeshëm, dhe Vetëvendosje po kërkon të mbajë pushtetin duke shfrytëzuar votuesit jashtë vendit.