Në Strellc u zhvillua aktiviteti tradicional i dhurimit të gjakut në nderim të dëshmorëve dhe të rënëve për lirinë e Kosovës, ku mori pjesë edhe kandidati për deputet Armend Zemaj nga Lidhja Demokratike e Kosovës. Ai theksoi se 25 maji nuk është vetëm një ditë përkujtimi, por është shndërruar në një moment të veçantë humanizmi dhe solidariteti, ku qytetarët dhurojnë gjak për të shpëtuar jetë në Kosovën e lirë. Në këtë aktivitet morën pjesë të rinj e të moshuar nga Strellci, të cilët me dhurimin e tyre nderojnë lavdinë e heronjve dhe sakrificën e tyre në luftën për pavarësi. Zemaj u shpreh krenar për komunitetin e Strellcit dhe për angazhimin e tyre në këtë iniciativë jetike.