Studentët e Kosovës kanë paralajmëruar një protestë paqësore në mbrojtje të së drejtës për përdorimin e gjuhës shqipe në provimet shtetërore në Maqedoninë e Veriut. Ata reagojnë ndaj cenimit të kësaj të drejte, veçanërisht në provimin e jurisprudencës, duke theksuar se gjuha shqipe nuk është privilegj, por një e drejtë e shqiptarëve në këtë shtet. Këshilli Studentor i Fakultetit të Filologjisë ka bërë thirrje që në protestë të marrin pjesë studentë, qytetarë, profesorë dhe organizata të ndryshme, duke kërkuar drejtësi dhe barazi në arsim. Protesta është planifikuar të mbahet më 5 qershor para Ambasadës së Maqedonisë së Veriut në Kosovë, në orën 14:00.